Елбасы Нұрсұлтан Назарбаев «Болашақта еңбек етіп, өмір сүретін -бүгінгі мектеп оқушылары, мүғалім оларды қалай тәрбиелесе, Қазакстан сол деңгейде болады. Сондықтан да ұстаздарға жүктелетін міндет ауыр» деген болатын. Еліміздің тәуелсіз мемлекет ретінде қалыптасу барысында білім беруді реформалау жүзеге асырылып жатқаны белгілі. Осыған орай, соңғы кезде окытудың әр түрлі педагогикалық технологиалары жасалып,мектеп тәжірибесіне енгізілуде.Сондай технологиялардың бірі- саралап деңгейлеп оқыту технологиясы. Саралап оқыту-оқылатын ақпараттың азаюы ғана емес, оқушыларға қойылатын талаптың әр түрлілігі арқылы жүзеге асырылады. Мәселен, бастауыш сыныптардың қазақ тілі пәнінің З және 4 сыныпқа арналған жаңа буын оқулыктарымен жұмысты үйымдастырудағы оң нәтижеге жету жолдарының бірі-деңгейлеп оқыту тәсілі деп ойлаймын. Бұл деңгейлік оқытудың тапсырмалары туралы мағұлматтар профессор Жауынбай Қараевтың еңбектерінде толық берілген.

Бұл технологияның мақсаты - әрбір оқушының өзінің даму деңгейінде оқу материалын меңгеруін қамтамасыз ету, қарапайымнан күрделіге бағыттау.

Оқушылардың барлығы жақсы оқығысы келеді. Бірақ, олардың ақыл-ой қабілеті, бағдарламада берілген материалды меңгерулері бірдей емес. Оқушылардың кейбіреулері жаңа тақырыпты тез ұғады, кейде үлгере алмайтын оқушылар да кездеседі.

Деңгейлеп, саралап оқыту технологиясында - мүмкіндік және міндетті деңгейлер көрсетілген. Қараев бұл мүмкіндік деңгейлерді 4-ке бөледі.